الانانية

احنا يابشر على طول بنغلط ودى عادة فينا احنا كلنا

بس الشاطر اللى يغيرها او يستبعدها طالما انا عارف ان الحاجة دى وحشة فية

اما انى مستبعدهاش دة غلط لانى بقول للناس شوفوا الصفات الوحشة بتاعى !

والصفات الوحشة كتير ولكن اقذر صفة فى وجهة نظرى هى الانانية

ان واحد ميفكرش غير فى نفسة بس ويدوس على غيرة علشان يوصل للى هو عايزة

لا ويحاول يبعد الناس عن الحاجة اللى هو عايزها علشان ياخدها ودى الانانية فى حد ذاتها فى اسوأحالتها

وعيب ان احنا ندوس ونبعد الناس عن الحاجة اللى احنا بندور عليها او ان الناس تكلم بس علشان المصلحة

او حاجة هما عايزنها بس

يابشر يابنى ادم متخلكش انانى وحب لنفسك ماتحب لغيرك

الفاظ شائعة

احنا ياشعب يامصرى علينا شوية الفاظ تموت من الضحك والكلام دة بنتوارثة طبيعيا من ابائنا وامهاتنا ودة شئ طبيعى جدا
ومنها مثلا لما تكون مامتك مضايقة منك تقوم قايلالك (روح تك اسد)
يعنى الاسد هيسيب الغابة ويخش عندنا البيت وهييجى ياكلنى
وكلمة تانية مضايقانى انا شخصيا اللى هية لما اسأل واحد اقلة(محمد ماجاش )
يرد يقولى لا اذا كان ما اداة نفى يعنى المفروض يرد علية يقولى اة محمد مجاش مش يقلى لا
ولما يكون حد مضايق منك ولا حاجة يقوم قايلك (ياباى)هو يعنى اية ياباى مين ياباى دة؟
ولما واحدة تكون متخانقة من ام محمد جارتها تقول عليها(الولية الارشانة ام احمد)
او يقال عليها (ام ايوئ)هو مين ايوئ دة نفسى اعرفة بصراحة!
ويقولو على الرطمان (بطرمان) والليتر (ريتل)لية مش عارف؟! يمكن الناس بقها اتعوج
وحتى الشتايم اللى الناس بتقولها ومطلاعها انا ساعات بسأل نفسى هو لية الكلام دة شتيمة مش ممكن يكون مدح ولا حاجة ممكن يعنى لفظ شائع حتى بين البنات ممكن يقولوها(خول)هو يعنى اية الكلمة دى لية خدناها على انها حاجة وحشة ماهى ممكن تكون حاجة حلوةاو الالفاظ التانية ولا داعى لذكرها لية بنقول عليها كدة؟
ومثلا واحنا قاعدين قاعدة صفا ولا حاجة وجبنا سيرة حد واحدة تقول علية دة واد ابن حلال والتانية تقول دة واد ابن 60كلب طب اشمعنا 60لية مش61او61.5بجد هل فى اساسا كلب مولود من 60 كلب والله بجد حاجات غريبة بنقلها
او الام تقول على ابنها لو مستحمش ولا حاجة تقولة(يا مأسد)هو يعنى اية مأسد يعنى عامل نفسى اسد ولا اية بس احنا وخدنها على انها معناها الانسان دة معفن
واحنا ماشيين فى الشارع ولا حاجة واحد يقول (دة بيقولو ان الطماطم غلت والذهب كمان
انا نفسى اسالة سؤال بس هما مين اللى قالوا؟ولسة فى كلام تانى واحد صحبى قالهالى كنا جايبين شوية فول راح قايلى الفول دة مينفعش يتاكل قلتلة لية راح قالى
(اصلة مش متلحلح)قلتلة يعنى اية متلحلح دى قالى مش متظبط كدة جبس قلتلة ياراجل جبس!
وكلمة (اشمعنا)يعنى اية اشمعنا ؟ انا بصراحة بستخدمها فى الكلام بس مش عارف معناها اية ولا حظت فى فى كل بيت تسمية للحاجة لاحظتها بنفسى وللموضوع بقية

حيرة ايام الخطوبة

اذا حاولت تبوسها تبقى راجل قليل الادب واذا محاولتش تبقى مش راجل اصلا
اذا غازلتها تبقى واد خلبوص وملكش امان واذا ماغزلتهاش تبقى اعمى ومعندكش نظر
اذا زرتها كتير تبقى لحوح وتقيل واذا مزرتهاش كتير تبقى مش مهتم بيها
اذا كنت بتلبس شيك تبقى بتاع مظاهر ومقطع السمكة وديلها واذا ملبستش تبقى معفن
اذا جبت ليها هدايا كتير تبقى واد زى الفل ولو مجبتش تبقى بخيل وايحة
اذا غرت عليها تبقى قفل واذا مغرتش يبقى دمك بارد او معندكش دم اساسا.
..........................................................................
فى الخطوبة وشهر العسل هو يتكلم وهى تسمع
بعد سنة من الجواز هى تتكلم وهو يسمع واكيد طبعا طلبات البيت
باقى سنين الجواز التنين يكلموا وامة لا اله الا الله تسمعهم

هو دة التعليم المصرى لاحظتها بنفسى

اية رايكم مش بيحصل ولا لا؟

واجب محمد

هو المطلوب منى احل الواجب اللى انا عملة ليكم والطلب دة من محمدالسيد وهو عارف الاجابة بس مش عارف عايزنى اكتبة لية المهم

اولا نقاط القوة
نقطة قوتى فى احترامى يعنى بحرج الناس بادبى واحترامى مهمن كانت شخصيتة قذرة
فى ضحكتى فى ناس اصحابى قالولى ضحكتك حلوة وبشوش وفى ناس بتقتنع بتفكيرى الا فئات قليلة
احيانا ممكن اخرج ناس من حزنهم الشديد وبحاول اواسيهم وشايف نفسى صديق كويس ويؤتمن علية
نقاط الضعف
ممكن لو حبيت حد قوى بلقط منة حاجات كتير من شخصيتة ودى عادة فية على طول
قلبى حنيتى دى احيانا تكون نقطة ضعف
اكون ضعيف لو لواحدى ومتخانق مع اقرب الناس لية
امتى اكون فرحان
اكون فرحان لما الناس حولية فرحانين على فرحتى انا ولو هما فرحانين بصحبتى انا والحمد للة قليل قوى اما اشفها
واكيد لما اكون مع اقرب الناس لية بكون فرحان قوى
لو معايا20مليار
هو حلمى بجد اعمل حاجة تنفعنى فى الاخرة هحاول اشوف المساكين واساعدهم وومكن ابنى جامع وثلاجة للشرب وهوزع اكل زى افكار التمر كدة واوزع كتب دينية ولو اتبقى فلوس هخلى ماما تحج وبعد كدة هفكر فى شقتى وفى نفسى
اخاف من اية
اخاف من فراق اقرب الناس لية لان دة بالنسبالى شئ مهلك لية ولحياتى

اخاف من القطط والحصان لمواقف قبلية اخاف من مواضيع العفاريت

انت اية رايك فى الكلام دة ولا عندك اضافة مستنى رايك؟

الواجب يامستر بس كل واحد على قد عقله راعى الجزء ده

عايزك تقول نقاط القوة فى شخصيتك كلها؟على قد ماتقدر؟

1- شخصية قوية وبعتبر دى نقطة قوية فى شخصيتى لانى اذا حسيت انى شخصية ضعيفة هكره نفسى صراحة

2- شخصية جادة جدا بس مش ببين ده الا وقتها

3- احلى حاجة بحبها فيا انى بفهم اللى قدامى ده حتى قبل مااتكلم معاه

ومش بغلط ابدا فى فهمه بمجرد انى شفته بس الفكرة اللى كونتها عنه صح ومش بغلط (اثبتلك؟)

4- (معظم الرجال ميحبوش المراة الذكية مش عارفة ليه؟ فيك تجاوبنى؟ ذكية الحمدلله بفهمها وهى طايرة احسب زى ماتحسب بس انا زكية جدا جدا

فاهمة الدنيا صح اوى اوى

صريحة جدا ولالاسف كتير ميحبوش الصراحة بس انا بعتبرها نقطة لصالحى واللى يزعل يزعل بس بعرف انه هيجى يوم ويفهمنى

مرحة الحمدلله

واذا قولتلك ان اصحابى بيتمنوا يكونو زى شخصيتى موش حتصدقنى وهتقولى ايه الغرور ده

(متبصليش كدا لو سمحت ماشى :@

بص انا مش هقول ايه اللى فى شخصيتى اكتر من كدا انت اكيد بتحس شخصيتى واذا فيك تطلع الصفات دى توفر عليا لانى حاسة اللى قولته ده مش تبع السؤال خالص بس دى اجابة

الحاجة اللى تخليك فرحان؟

الحاجة اللى تخلينى فرحانة هى انى اشوف اهلى بالهم مرتاح
3 وطبعا بدال هتقول نقاط القوة اكيد هتقول الضعف؟والرد يكون عندك فى مداونتك مش عارفة
4-لو معاك 20مليار جنية هتعمل بيهم اية؟ بتمنى ابنى جامع اول ح اجة

اشوف ايه اللى محتاجينه اهلى وانا وطالما بس بالعقل مش معنى انى معايا الفلوس دى كلها يبقى خلاص اضيعها على حاجة تافهة لا انا عندى حاجت تانية اهم بردوا

خلاص بنيت الجامع واهلى كل اللى احتاجوه خلاص واذا فاض فلوس واكيد بيفيض

بتمنى اساعد الفقرا بجد واذا قدرت اجمعهم كلهم وااساعدهم ياااااااااااااااااااااااااااااه

نفسى حتى ابنيلهم بيوت بس دا فى الاحلام اكيد لانه عمرى ماهيكون معايا الفلوس دى كلها

مش عايزة اسيب حد محتاج حاجة ابدا

بس انا انشاءالله انشاءالله ربنا يقدرنى ويدينى طولت العمر وهبنى جامع وناوياها باذن الله

(كنت قاعدة لوحدى مرة ساعات بعد اعمل افلام كدا مع نفسى واتخيل حاجات كتير

تخيلت انى ببنى جامع وانا معنديش فلوس بس كانت كل ماتجينى فلوس اروح اقسمها بين حاجتين اتنين الحاجة اللى محتاجاها فى بيتنا والحاجة اللى هبنى بيها جامع حتى لو قعد سنين المهم انى ابنيه بفلوسى ومن تعبى انا حلمت انى كل مااخد مرتبى كنت اقسمه والله بجد

(كله هبل * هبل بس ادينا بنحلم مش هنخسر حاجة

5- ااية الحاجات اللى بتخاف منها؟ قول على قد ماتقدر؟
الحاجة اللى بخاف منه

كتيييييييييييييييييييييير متعدش يعنى

اول حاجة

الصوت العالى وماادراك والصوت العالى لما اسمعه

بخاف جدا وبتخيل حاجات غريبة

ممكن اعمل فيلم رعب وانا قاعدة

وياسلام بقى اذا سمعت صوت عالى والمكان اللى انا فيه فيه شباك مفتوح او انا قاعدة على كرسى بترعب بجد

برفع رجلى لفوق

بخاف من الضلمة جدا بس لما انام انام فى الضلمة بس لو حد معايا انما لو حد مش معايا مش هنام خالص

بس اوقات كتير لما بنام فى الضلمة بيجيلى قلق فمعرفش انام غير بصعوبة جدا ممكن اعد اربع ساعات على ماانام وشوف الاربع ساعات دول بعمل فيهم حكاية ولازم اكون مستغطية من كله واذا لقيت اى حاجة باينة فيا تبقى ليلة طين

بتنفس من تحت البطانية متسالنيش ازاى

لدرجة انى ممكن وانا نايمة على السرير ساعات النور لما بتطفيه بيفضل يعمل فلاش انا بخاف منه

واذا سمعت حركة بسيطة كدا ...........................................

بخاف من اى حاجة بتزحف

اى حاجة بتطير كل الحيوانات حتى لو ايه

بخاف من كله صراحة لانى جبانة جدا جدا

لدرجة انى لحد النهاردة اذا منمتش واختى الكبيرة معايا منمش غير بصعوبة جدا وانا سغيرة كانت لازم تنام معايا وتاخدنى فى حضنها لحد ماوصلت لاولى ثانوى كدا

وماما لحد النهاردة تقولى لو اختك اتجوزت هتعملى ايه كنت بقولها هروح انام معاها :-)

اخاف انام جمب حد غيرها واذا نمت جمب حد غيرها افضل صاحية وباصة ليه لحد مااروح فى النوم

ولو اتحرك حركة بسيطة اتخض ومنمش تانى

ياريت بقى تخلى بالك من الكلام ده كله عشان انت مابتصدق اساسا

وممكن تمسكهالى وتخوفنى

بس على مين والله لو مسيتنى او حسيت انك هتدبرلى حاجة

لروح من تانى يوم اشتريلك كلب (وانت فاهم بقى)

كفاية كدا الخوف

مع ان فى كتير حاجات بخاف منها
6-هتكلم عنى بوضوح وامانة وبلاش كدب ونفاق

طيب جدا (ودى نقطة فى صالحك ومش فى صالحك وزى مابتقول فى ناس بتستغلها

بس هو مش استغلال هو ساعات فى ناس بتحس انه ضعف وتاخدها باستهزاء والايام دى الطيبة متنفعش بيقولوا بقت عيب

وفعلا ده اللى بقيت احسه

بحب فيك حنيتك وطيبتك وتعاملك معايا وكلامك واسلوبك الحلو والسبب انى بحب كدا مش بحب المعاملة القاسية اللى احس بغباء فيها او اسلوب الشارع والكلام ده

اسلوبك راقى بس معايا الله اعلم مع اصحابك بقى ولا غيره ايه ياوفى انصدم بعد الجواز ويطلع اللى مكنش فى البال

بس انا حابة الصورة اللى رسماها عنك وبتمنى تكون هى دى زى ماانا شايفاها لانى اذا شفت حاجة خرجت عن اطارها ..................

الصورة دى هى زى ماقولت فوق

الحنية والاطيبة والتعامل باسلوب كويس ومحترم سواء معايا او مع غيرى واهلك

مش عايزة اللى بشوفه برة

عندك زوق ودا اقرب طريق لقلب البنت (انا مش حد تانى واياك تبص كدا او كدا)

صادق مش كداب

ودى احلى حاجة بحبها فيك

رومانسى ودا اللى بحبه فيك (وبتمنى حياتنا تكون كويسة مع بعض يااااااااارب ومتقباش رخم )

لما شفت تعاملك مع اهلك ده زود قيمتك عندى بجد

بحترم الشخص اللى يحترم اهله وعارف اللى ليه واللى عليه

ودى حاجة كنت خايفة منها ان انت يكون تعاملك مع اهلك مش حلو بس الحمدلله طلع حلو

كفاية كدا

بس نصيحةة الله يخليك

بلاش تتعامل بقسوة معايا عشان مكرهكش وبلاش اسلوب زى الاساليب اللى بشوفها برة ممكن؟

مش معنى انك هتكون راجل البيت يبقى فى السيطرة والشتيمة والخناق والقرف ده كله

يااااااااااارب اللى بتمناه يتحقق كله
لو لقيت حاجة من الصفات اللى كاتبها فى البوستين غلط او مش فية اتمنى اشوف رايك؟ كلامك دبش دى مشفتهاش فيك قبل كدا

(ابتدت الخبايا تظهر استرها ياااااااااااااااارب (

فى حاجة فيك مش بحبها صراحة

وانت قولتها انها تعاملك مع الناس بالطيبة ودا مش عاجبنى

كل واحد ليه وجهة نظر

عصبى اه وبخاف منها

هرجع تانى

واجب

الواجب موجة لاتنين هما محمد السيد ومها

1-عايزك تقول نقاط القوة فى شخصيتك كلها؟على قد ماتقدر؟

2-تقول اية الحاجة اللى تخليك فرحان قوى فى الدنيا؟

3 وطبعا بدال هتقول نقاط القوة اكيد هتقول الضعف؟والرد يكون عندك فى مداونتك

4-لو معاك 20مليار جنية هتعمل بيهم اية؟

5-اية الحاجات اللى بتخاف منها؟ قول على قد ماتقدر؟

6-هتكلم عنى بوضوح وامانة وبلاش كدب ونفاق

لو لقيت حاجة من الصفات اللى كاتبها فى البوستين غلط او مش فية اتمنى اشوف رايك؟

الواجب التانى

بالنسبة للواجب التانى التحدث عن 16 صفة فية

1-بحب التعامل مع الناس جدا وبحب خدمتهم ونفسى اشتغل فى خدمة عملاء يعنى بحب الحياة الاجتماعية جدا وبحب قرايبى قوى

2-بيقولى علية عصبى وفى بعض الاحيان بتعامل مع المواضيع بعصبية واحيانا بالفكر والمنطق

3-بحب اضحك فى وش الناس على الرغم انى بكون ساعات مخنوق نفسيا ولكن بالنسبة لية الشغل حاجة والمسائل الشخصية حاجة تانية خالص

4-بحب المزاح ولكن فى حدود يعنى اولا ميطولش ومحبش اكون بالعربى كدة بلياتشو علشان الناس تضحك علية لو حد زود الهزار بيشوف الوش التانى

5-بالنسبة للانانية انا مش انانى خالص وبحب اصرف وبالعربى كدة اللى فى ايدى لغيرىاما بقى بالنسبة للناس البخلة اساسا دول ليهم معاملة خاصة جداااا

6-بحب النظافة جدا ومحبش اعد فى مكان مش نظيف ودى احلى حاجة بحبها فية قليل اما تلاقى راجل ونظيف ومرتب لانى بحب ارتب اوضتى بنفسي ولما بعمل حاجة لازم ولابد اعمل لمسة ديكورية فى اى مكان حتى المطبخ وبحب الزرع فى الشقة وتكون مظهرها كويس

7-بخاف من الكلاب جدا بامانة علشان اكون صريح يعنى لو لقيت كلب فى شارع بسحب نفسى من الشارع دة على طول بكل ادب اما بالنسبة للقطط والحمير انا لية موقف معاهم من وانا صغير

8-معلوماتى قليلة ومحبش حد يكون اعلى منى ويفرض نفسة قدامى انة اعلى منى وفى بعض الاحيان مبحطش الموضوع دة فى دماغى خالص

9-نقطة ضعفى طيبتى وفى ناس كتير بتستغلها والنقطة التانية انى بحلم فى تعامل مع الناس مثالى يعنى اعيش فى اليوتوبيا ولكن مينفعش فى الحقيقة بحلم بتعامل خاصة مع الصاحب القريب وشريكة حياتى

10-يؤتمن علية فى اسرار وفى كل حاجة وقادر على صيانتها والحفاظ عيها ومبقلش اسرار حد نهائى

11-انا مكنتش دبش فى الكلام مع الناس ولكن الله يسامحة بقيت دبش ومبعرفش معنى الكلمة غير بعدين

12-فضولى جدا وبلقط الارقام بسرعة لدرجة انهم فى الشغل سمونى (ملقاط) وانا حبيت الاسم دة لانى وصلت معايا الدرجة انى حفظت ارقام العملاء اللى بشحنلهم

13-عندى قوة ملاحظة شديدة وبحب العاب الذكاء والشطرنج وبحب الالغاز وميكى جيب

14-مبحبش القراءة قوى ولكن اتمنى الحاجة دى تتغير على يد اقرب الناس

15-مبدورش ساعات على حقى ومبحبش اكلم فى الماديات خالص

16-واحد بس اللى شايفنى مغرور ولكن انا بسيط خالص ولكن مش غلبان ومبخبش الكلمة دى خالص

ادى الواجب ياسيدى

بالنسبة ل10 حاجات عن شخصيتى اليك الاتى

1-كلة قال علية طيب قوى

2-واحد بس اللى قلى انى ضعيف الشخصية

3-عصبى جدا وبتنرفز بسهولة

4-لما بحب حد بخلصلة قوى وبحب اعد معاة طول الوقت لدرجة انة ممكن يزهق منى

5-ساعات بقول كلام مبدراش معناة غير بعدين وغالبا مع اقرب الناس لية

6-مبحبش حد يفرض علية شخصيتة او ينيها على حساب شخصيتى انا

7-احيانا مرح واحيانا كئيب وانا مكنتش كئيب ابدا الله يسامح اللى كان السبب

8-حياتى قايمة على 3عمدان هما والدتى ومحمد السيد ومها

9-باخد بالراى والمشورة بس بنفذ اللى فى دماغى غالبا واحيانا باخد بالرأى

10-هسيبهالك يامحمد تقول انت اية اللى ناقص فية؟

ومعلش الواجب جاى متأخر يامستر معلش مكنش معايا المقرر

الى روحى وقلبى وعقلى

When God opened the window of the Heaven He asked me:

What is your wish for today?

“I said : please take special care of the person reading this!!!!!!!

”One day u will ask me: What is more important to you, me or your life?

I will say: my life…

You will walk away from me without knowing that U R MY LIFE!!!

Feel good when somebody Miss u.

Feel better when somebody Loves u

But feel best when somebody never forgets u

.to maha

الفرق بين الثقة بالنفس والغرور

مابين الثقة بالنفس والغرور .. شعرة
وكلما ازدادت ثقة الإنسان بنفسه كلما اشتدت تلك الشعرة واقتربت من الانقطاع
ولا شك أن الثقة بالنفس تعتبر من العوامل الهامة التي تساعد على استقرار ورقي حياة الإنسان وتطورها
وكلما ازدادت ثقة الإنسان بنفسه .. كلما أصبح أكثر قدرة على مواجهة مصاعب الحياة ومتطلباتها وهمومها
ولكن إذا ما تجاوزت الثقة بالنفس الحد المطلوب والمعقول فإنها بذلك تصبح خطرا على صاحبها
لأنها في هذه الحالة ستتحول إلى غرور ..
وانتوا عارفين مدى خطورة الغرور على الإنسان والمساوئ التي قد تنجم عنه
ورأيى
فعلا بين الثقة بالنفس والغرور شعرة
لكن تستطيع أن تفرق بينهما بسرعة
الانسان الذي تعزه وتتودد له
يغتر احيانا بنفسه لأنه حاسس بغلاه عندك
لكن الثقة تخوننا دائما
هي مثل تحدي الذات
أن أتحدي ذاتي بأن اصنع المستحيل
بأن أكافح في حياتي
هي تلك الثقة بالنفس بأن أثق بنفسي في أنها تنجز المعجزات والمهمات الصعبة
أن لا اقلل من قيمتها

وتعليقات الناس على المداونات الايجاب الفاشل يديك الاجساس بالنجاح ولكن فى بعض الاحيان بتكون فشل

برجاء عدم الصحك على الناس فى التعليقات لان دة الشعلة الاولى فى الغرور
بس هذا راي

والواحد اشبة ببلونة راى الناس المزيف هو هواها لغاية لماتتملى على الاخر

وتفرقع ياجماعة ارحموا فى ناس شايفها بقت مغرورة قوى

ومفيش اى تعليقات سالبة خالص او بنسبة 1%ارحموا اللى بيكتبواااااااااااا

ادى الملاك البرئ :-)

كنت عارفة ان اليوم دا هيجى واللى حسبته لقيته بس عادى مش هموت يعنى
لانى متوقعاه من بدرى ولو انا بجد كنت مدياك الامان دا اللى كان هيكسرنى بجد والحمدلله على كل حاجة
مش عشان بحبك وبعد كدا كل اللى حلمت بيه خلاص راح يبقى اتكسر زى مانت فاهم لا
عارف حتى من قبل مااخويا يعمل الحركة دى ويثبتلى دا فعلا كنت عارفة انه صح من قبل ماهو يعملها
اللى خلاك تقول فى شهر خمسة ومبسوط وفرحان واسالى ماما وبابا وبعدها مقدرش عشان قالولى فى البيت فى الاجازة شهر سبعة يكون بابا اخد المكافاة بعدين دا كله طار ولاقى كلام تانى ازاى اجى والشغل والجيش كان فين دا كله يوم قولتلى؟حجج فاضية
حليتلك كل حاجة قولتلك هتقول دا شغل مؤقت لحد مالاقى شغل كويس وبابا مش هيمانع
انا مقولتش تعالى اتقدم وجيبلى شبكة انا بقولك تتكلم مع بابا زى مامحمد عمل جيه وقاله لسة بدرس ومخلصتش وبشتغل وكان لسة بيشتغل زيك ونفس مرتبك فى الاول بابا قاله سنة بتخلص بتيجى وبراحتك معناه اتكلم على اختى يعنى محدش يقدر يجى يتقدملها تانى
مجبلهاش شبكة ساعة ماراح دا قعد سنة لحد ماخلص المهم عرف والدى وعرفه نيته
وافق على الرغم ان فى جيش وقال مافيش مشاكل وكان متوقع مية بالمية انه داخل ظابط 3 سنين
ووافق
اللى اثبتلى انك مش صادق بجد انك اكيد عارف انك حتى لو دخلت ظابط فى الجيش 3 سنين دا معناه انه مرتبك بيوصل لفوق يعنى ممكن تكون نفسك وانت فى الجيش اكيد بتعرف ده
ولو كنت دخلت سنة حتى اهى السنة دى كان بابا هيديهالك مهلة لحد ماتخلص وتلاقى شغل حتى كويس
قولتلى اخوك مش لاقى شغل ورجع وترجع تقولى فى شرم طب منين؟منين هو مش لاقى ومنين راح شرم وبيشتغل؟يبقى انت مش فى دماغك ولا بتفكر حتى فيا او انك ترتبط
اللى يحب بجد بيضحى
كان كلامى صح بجد عملت قصة قدام اصحابك تتباهى وخلاص انما جواك حاجة تانية
مش هنسالك يوم عيد ميلادى يوم ماحتفلت بيه هناك وجاى تقولى عشان يعرفوا اد ايه بنحب بعض
وكلام مالوش لازمة
الحب مش بتورتة او جاتوه عشان نبينه
كنت بتتباهى بيا مش اكتر
تكلمنى من السنترال واصحابك يفضلوا يرخموا عليك وانت بتتلذذ بده ومبسوط
وكنت بنفض بس حسيت بجد انك مبتحبنيش انت بس بتتباهى بتتفاخر ان انت بتحب وحد بيحبك
ودا اللى اى شاب محتاجه
يعيش قصة حبيوم ماخويا حتى عمل الحركة كل اللى مكان همك ازاى تكلمنى ولا همك اى حاجة
حتى كل اللى همك يوم موقف اختى شكلك
قدام محمد
اساسا مكلمتكش قدامه انا بعدت عنه وهو اساسا بعد عشان اتنرفز وجاى مفكرتش حتى فى موقف اختى وفهمتك انه كانو خلاص هيسيبو بعض بسبب اللى حصل
وانت همك موقفك بس مفكرتش حتى فى اللى هيحصل
وكان لازم ارد كدا مع انى ماقولتش حاجة تحرجك انا سالت مش قولتلك قبل كدا وفهمتك انه مينفعش تتصل على تليفونها؟

بعدين دى اختى عارف يعنى ايه لما تكون اختك وتكون سبب انها تسيب خطيبها ؟جربت انت الموقف ده؟
محسيتهوش؟
وعشان قولتلك كدا من يومها ماصدقت انت
خلاص انت حر براحتك
المهم حبيت اقولك
انى عرفتك على حقيقتك
وانك كنت عامل ملاك قدام صحابك
وصحباتك
على حسابى
وانك انسان قد كلمتك

وبتحافظ على حبك
الدراسة خلصت خلاص
allah ysam7ak bgd
habet wahed maystahelsh

كلام فى الحب

ان الانسان قبل الحب شئ وعند الحب كل شئ وبعد الحب

لاشئ

الحب

لايعرف وليس لة تعريف

ولكن احنا ممكن نوصفة

الحب هو جنة الدنيا وفردوس الحياة انة الامل الذى يشرق على القلوب الحزينة

فيسعدها ويدخل الى القلوب المظلمة فينيرها ويبدد ظلمتها ويتسرب الى الجوانح

فيغمرها بضيائة المشرق الوضاء

انة اللحن الجميل الذى يوقع انغامة على اوتار القلوب ونبضاتها

فيكون رجاء اليائس

انة النعيم الذى يرجوة كل انسان والسعادة التى ينشدها كل مخلوق

والجنة التى يحلم ان يعيش فيها كل فتى وفتاة

الى أغلى انسان

مشكور ياأصيل

صدق انك اصيل

ياغالي ياأصيل

كل كلامك جميل

يشفي قلبي العليل

ونسيانك مستحيل

حتى في حلم الليل

دايما عالبال

فى كل وقت وحال

محبوب فى كل الاحوال

محمد انت الغال

دايماواقرب زميل

وصديق ياأصيل

لحظة وداع

الانسان مخلوق ملئ بالخطايا واصعب لحظة فى حياتة( لحظة الموت) لما الواحد يموت وبعدين الانسان يتغسل بعد اما كان هو اللى بيحمى نفسة وبعد اما كان بيلبس احسن لبس اتلف فى حتة قماش بيضة ومربوط من الطرفين ويتحط فى حتة خشبة بعد اما كان بينام على حرير فى حرير على احسن السراير وبعدين بعد اما كان بيلعب مع اصحابة وبيشلوة ويرفعوة لفوق يوم عيد ميلادة زى مارفعوة يوم عيد ميلادة نفس الاشخاص ونفس الاصحاب ونفس الوجوة شايلينك بس الفرق بيعيطوا عليك وهما اللى يدفنوك بايديهم وبعد اما يعيطوا يوقفوا العياط وتفضل حالة الحزن لمدة يومين وبعدين نفس الاشخاص اللى كانوا بيرفعونى فى عيد ميلادى ورفعونى فى اخرتى رجعوا لحياتهم الطبيعية تانى ونسونى وبقيت اعد لواحدى وسط مفيش ولا حبيب ولا قريب لواحدى فى الظلام واصعب احساس انك عارف انك لما بعد اما تموت هتتنسى وتموت ومعاك زكرياتك